阿虎媽親子遊情報 - 石門 2Gather 聚好玩

【阿虎媽親子遊情報 - 石門 2Gather 聚好玩】

今次就想介紹一個過萬尺嘅小朋友放電好去處比大家，佢就係位於石門 2Gather 聚好玩。入面設有八大遊玩專區，不論好動定係文靜嘅小朋友都會有岩嘅野。

入面仲設有餐廳區，主打台式食品，例如蛋餅、珍珠奶茶等等。

攀爬區，有好多管道滑梯，中意刺激嘅小朋友就最岩玩架啦。
木馬區，馬卡龍色的設計，絕對係幫小朋友打卡嘅好地方，同埋佢真係會轉架，唔係背景嚟架。
運動區，呢個區別係想推動環保能源，透過小朋友玩唔同嘅運動設施去令大廈發電。

駕駛區，設有一條電動車專用賽道，比小朋友可以一完車手夢。

市集區，中意玩煮飯仔嘅小朋友絕對樂而忘返，入面有唔好類型嘅食品，咩料理都可以整到。
玩沙區，用嘅係沙黏土，唔洗加水都可以製作唔同嘅圖案，中意創作嘅小朋友就可以展現一下天賦啦。
彈床區，最岩活躍嘅小朋友放電，入面仲有一條好快好刺激嘅滑梯，有幾快就要自己嚟試下啦。

幼兒區，主要是比兩歲以下嘅小朋友，入面有搖搖板，積木等等嘅遊樂設施，咁樣就唔洗驚比大哥哥姐姐碰撞到啦。

開放時間 : 星期一至四 11:00am - 08:00pm & 星期五六日、公眾假期 11:00am - 09:00pm